Ich veröffentliche hier Gedichte und Erinnerungen von meinem Grossvater, Ernst Hasenfratz.

Chlaus

De Chlaus mit Bart und schwäre Schue
sait s’Jöörli gaat em Endi zue.
Mir wänd zäme Rückblick halte
für die Junge und die Alte.
Au diene wämer nid vergässe
wo s°letscht Johr no bi eus sind gsässe,
wo die gross Reis aträte händ
wo mir alli no vor eus händ.
De Chlaus hät jedem es Säckli gschänkt,
und das debi eso usdänkt
für gueti Tage öppis zum Ässe,
die weniger guete wämer vergässe.
De letschti Winter isch lang und chalt gsi
mir händ gmeint er gäng überhaupt nid verbii.
De Früelig isch i einige Tage gsii
und scho isch es heiss und Summer gsii.
de Herbscht isch en zweite Summer gsii
am beschte märkt mer das bim Wii!
De 85er, gsehschen blinke?
chamer ohni Sprengstoff und Froschtschutz trinke!
De Chlaus wämer dezue bewege
bim Chrischtkind für eus e guets Wort iz’lege.